Spěchowanski teritorij EFRE-Juh (cyłkowna naprawa)
Europska unija financuje w Sakskej wulku ličbu projektow. W Sakskej steja w spěchowanskej periodźe 2008 do 2013 něhdźe štyri miliardy eurow k dispoziciji, z toho 3,1 miliarda z Europskeho fondsa za regionalne wuwiće (EFRE). Specielny spěchowanski program z EFRE wobjimuje kompleks „Trajnoskutkowne měšćanske wuwiće“ a zmóžnja komunam, naprawy we wěstych měšćanskich štwórćach přesadźić.
Město Budyšin dósta w lěće 2009 spěchowanske připrajenje přez 2,4 miliony eurow za w topografiskim planje předstajenu kónčinu Budyšin-Juh. Město njese přidatnje swójski podźěl wot 800.000 eurow.
Wosebitu wažnosć kładźe Europska unija na to, wobydlerjow wo spěchowanych projektach informować a jich do přesadźenja tutych zapřijeć.