Měšćanski koncept za zelenišća a swobodne rumy je natwarjeny na we Wodźacym wobrazu Budyšin 2030+ wobzamknjenych tezach k identiće a wuwiću Budyšina a formuluje je za dźělny wobłuk měšćanskich zelenišćow. W tym zmysle je wón přinošk k wuwiću wodźaceho wobraza a wotmołwja jako zakład jednanja za měšćanske zarjadnistwo wosebje na sćěhowace prašenja:

  • Kajka hódnota přisteji měšćanskim zelenišćam a swobodnym rumam hladajo na kwalitu přebywanja w Budyšinje?
  • Kajke potenciale na swobodnych rumach wobsteja w Budyšinje?
  • Kajke wuwićowe wuchadźišća za rjadowanje zelenišćow a swobodnych rumow maja so dale wjesć?
  • Kak a z kotrymi naprawami móžeja srědki za rjadowanje zelenišćow a swobodnych rumow wuwiće města wodźacemu wobrazej wotpowědnje spěchować?