Spěchowanje zahrodkarstwa je wažny městotwarski, rumoplanowanski, socialno- a strowotniskopolitiski nadawk. Na swojim posedźenju wot 27. februara 2019 wobzamkny měšćanska rada koncept za zahrodki města Budyšina. We wjacorych měsacach intensiwneho dźěła stej měšćanske zarjadnistwo a Teritorialny zwjazk małozahrodkarjow z.t. Budyšin (TTV) statistiski material zestajiłoj a prognozy nastajiłoj.