W přihoće na lětuši census je wot 01. januara 2022 tež w Budyšinje jedyn z 48 wotrjadow za ličenje ludnosće w Swobodnym staće Sakskeje zarjadowany. Budyski wotrjad za ličenje je zaměstnjeny w tudyšim měšćanskim zarjedźe.

Z censusom zwěsći so aktualna ličba wobydlerjow w Němskej, forma bydlenja kaž tež wašnje dźěła. Wot 15. meje 2022 zběraja so daty. W Němskej je census wot registra škitane ličenje ludnosće, kotrež so wudospołni z lubowólnej probu a ličenjom twarjenjow a bydlenjow.

Sobudźěłaćerjo Budyskeje wotnožki podpěraja statistiski krajny zarjad Sakskeje z lubowólnej probu naprašowanja ludnosće tu na městnje. Budyski wotrjad je zamołwity za znošenje ličbow w gmejnach Dobruša-Huska, Hornja Hórka, Budestecy, Kumwałd, Malešecy, Kubšicy, Bukecy a Wóspork. Dale je běrow tež wotewrjeny za prašenja wobydlerjow nastupajo onlinenaprašnikow.

Budyski wotrjad za ličenje ludnosće 2022
Budyšin, Póstowe naměsto 4c
tel.: 03591 27065-0

dalše informacije pod www.zensus.sachsen.de