Lube wopytowarki, lubi wopytowarjo,

witamy Was wutrobnje na internetnych stronach města Budyšina. W rubrice "Wobydlerjo, radnica, politika" namakaće dobry přehlad wo strukturje a nadawkach měšćanskeho zarjadnistwa kaž tež aktualne wodźace planowanja za město. Z portalom "Naležnosće A-Z" móžeće lochko praweho partnera za Wašu naležnosć namakać.

Nowosće a narěčenskich partnerow z měšćanskeje rady, wjesnych radow a dalšich gremijow nadeńdźeće tule runje tak kaž w měšćanskim portreće ličby a fakty k našemu wjace hač 1000lětnemu městu. We wobłuku "Wobdźělenje wobydlerjow" předstajamy Wam aktualne projekty Budyskeho wobydlerskeho dialoga.

Wuraznje pozbudźamy Budyske předewzaća, zarjadnišća a towarstwa, zo bychu so do našeje adresoweje datoweje banki zapisali a z tym hódnotu tutych stronow za jich wopytowarjow hišće zwyšili.

Alexander Ahrens
wyši měšćanosta