Budyšin je wosebje powabliwe srěnje město, kotrež skići wšitke fasety atraktiwneho a mnohostronskeho bydlenskeho stejnišća. Tole ma so wužiwać, zo by so wobstejaca a přichodna potrjeba za adekwatnym bydlenskim stejnišćom zaspokojiła a z tym
wšoměšćanske zaměry:

  • stabilizowanje ličby wobydlerjow
  • zdźerženje a zesylnjenje wyšocentralnych funkcijow

spjelnili.

Zo by žadanjam wotpowědować móhło, je měšćanske zarjadnistwo fachowy koncept „Bydlić“ zdźěłało. Tutón koncept analyzuje na zakładźe prognozy wo naprašowanju za bydlenjemi, štó budźe w Budyšinje přichodnje hdźe kotre bydlenje trjebać. Ćežišćowje móže so polěpšenje bydlenskeje kwality přez powyšenje poskitka a kwality mj. dr. we wobłuku indiwiduelneho bydlenja w jednoswójbnych a mjeńšich wjaceswójbnych domach, kaž tež saněrowanja we wobstatku docpěć. Z tym dyrbi so w přichodźe rozdźělnym cilowym skupinam – na př. swójbam z dźěćimi abo staršim ludźom – dosahacy poskitk na bydlenjach a bydlenskim wobsydstwje předpołožić móc.